بقلم : مجدي فرج سيد أحمد
الاثنين 24 ديسمبر 2012
وانتهت عملية التصويت على الدستور بنتيجة 64% بنعم 36 لا قال الشعب كلمته بوضوح لكى يخرس كل الاصوات التى قالت انه شعب جاهل امى لايعرف القراءة والكتابه. حيث طلع الشعب المصرى انصح من الجميع.
وسوف اتخيل لديالوج تم ما بين اثنين من سماسرة الانتخابات لكى تتضح الصورة لنا اكثر
الحوار بين الواد علي شخصيه .... وعم خليل أبو الفلول
الحوار بين الواد علي شخصيه .... وعم خليل أبو الفلول
- هو صحيح بعد كل هذا الجهد فى اجهزة الاعلام والمصاريف التى صرفناها فى الدعاية و فى الشوارع فى الجرائد وعلى شاشات الفضائيات تكون النتيجة هو السقوط بنسبة 36% ؟ انا كنت فاكر ان الطوابير الطويلة دى بتاعتنا لكن طلعت بتاعت الناس التانبة.
- ايوه ياخويا أصلكم اعتمدتم على حيطة مايلة مش هما دول نفس الاشخاص اللى كانوا بيقبضوا من انصار مبارك ونفس الفلوس الجديدة المسلسله اللي لسه خارجة من شبابيك البنوك بنار الفرن؟ الناس دي عارفين بيعملوا إيه بيصرفوا الفلوس على أصحابهم في جلسات الدخان وما بيعملوش أي حاجة في الواقع ( فنجرية بق ).
- أمال نجيب بلطجية منين يا خويا يعني نستورد بلطجية بقى من إيطاليا أو اليونان ؟
- الشعب المصري طلع جاهل صحيح ولكن أذكى من كل فطاحل أساتذة الجامعه أصحاب التحاليل السياسية التي لا تصلح الا في معامل التحاليل الطبيه في المستشفيات.
- أمال يا خويا فين الصفوة وفين تحالف كل القوى ( إيد واحده ) وفين بتوع التحرير وإمبابه ومحمد محمود والاتحاديه هي جبهة الانقاذ كانت بتنقذ مين ؟
- طلع إن جبهة الانقاذ كانت دعاية حلوة على شاشات الفضائيات لكن طلع انها تحتاج إلى من ينقذها من الفشل والافلاس وطلع الشعب المصري وخاصة الصعايده منهم رجالة بصحيح ورغم النكت التي تسخر دائما من الصعايده فإنهم قاموا بالرد عليها عمليا في صندوق الانتخابات وطلع الخايبين والعبط هم أهل المدينه المتنورين.
- أمال نقول إيه يا خويا للبشوات بتوعنا اللي دفعوا دم قلبهم في الحملات الدعائيه في مصر وبره مصر.
- ما تفكرنيش بالخيبة التقيله مش كفاية إن إحنا ضاع علينا المؤخر اللي كنا موعودين بيه في حالة فشل الدستور
- بيقولوا إن البشوات سوف يطعنوا في نتيجة الاستفتاء ويتهمون الكل بالتزوير حتى أم محمد صاحبة الكشك بتاع المشروبات اللي أمام لجنة الانتخابات حيث كانت تبيع شرائط كاسيت لعبد الحليم حافظ يغني فيها نعم يا حبيبي ... نعم. وهذا مخالف لكل تعليمات الانتخابات
- لازم يشوفلنا حل في المؤخر اللي ضاع علينا ولو ما خدناش حقنا سوف نفضحهم ونقول كل حاجة ونرفع عليهم قضيه كمان.
- على كل حال الجايات أكتر من الرايحات ولازم نقدم السبت عشان نلاقي الاحد وراه إنت ناسي إن انتخابات مجلس النواب ستكون بعد شهرين ؟
- صحيح فكرتني لازم نستعد من الأن لهذا الموسم عشان نضمن كام باكو كويسين ندفع بيه مصاريف الدروس الخصوصيه للأولاد أهو رزق الهبل على المجانين.
- إلى هنا إنقطع الحوار وجاء الصباح ... وسكتت شهرزاد عن الكلام المباح.
التاريخ يسجل
ليست هناك تعليقات:
إرسال تعليق